أعداد: محمد عبد المنعم

 قصة أصحاب السبت 
من أكتر القصص رعبا فى القرآن
ذكرها الله تعالى في ثلاث سور من سور القرآن الكريم البقرة والنساء والأعراف

 لو تدبرت القصه بعقلية اليومين دول تحس إنهم معملوش حاجه غلط أوى يعني ..

 هى قرية على ساحل البحر
 كانَ سُكَّانُ هذه القريةِ مِنْ اليهودِ، وَهُمْ خَلِيْطٌ مِنْ الصالحينَ والمصلحينَ والفاسدينَ والمفسدين
 كانَ عملُهم ورِزْقُهم وَكَسْبُهُمْ مِنْ صَيْدِ السَّمَكِ
 فَحَرَّمَ اللهُ عليهم صيدَ السَّمَكِ يومَ السَّبْتِ لحكمةِ إلهيةٍ
 ومن إبتلاء الله لهم جعل السمك يتواجد بكثرة يوم السبت فقط
 وطبعا الناس قاعده مفيش سمك طول الأسبوع ومش بيجى سمك غير يوم السبت
 فهما معملوش حاجه غير إنهم حطو الشبك الجمعه بالليل ولمو السمك الحد الصبح
 يعني هما بنفسهم مصطادوش يوم السبت تحس عادي يعني هما عملو ايه ؟؟؟

 لكنهم تجرأو على معصية الله جل جلاله علانية
 طبعا فى شيوخ عندهم قالولهم يجوز مدام إنتو بس رميتو الشبكً
 وناس منهم قالو لهم واحنا مالنا
 وناس سمو الصيد بتاع السبت دا حاجه غير الصيد !!!
 فانقسم أهل القرية إلى ثلاث طوائف :
 طائفة عاصية محتالة
 طائفة مصلحة محذرة من العقوبة الإلهية
 طائفة صالحة في نفسها لم تعص الله ولم تنه عن المنكر

 ولم تحرك فيهم المواعظ وإستمروا في غيِّهم وطَمَعِهِمْ وصيدهم يوم السبت

 فَفَصَلَ اللهُ في أمرِ أهلِ هذه القرية، فأنْجى عباده المصلحين الغيورين على دينهم وأنزل العقوبة على القوم الفاسقين المعتدين
عقوبة المسْخِ سمَّاها الله: (عذاباً بَئِيْسَاً)
 مسخ الله أشكالهم من إنسان خلقه ربُّه في أحسن تقويم إلى قرد مشين
 هذا العقاب حصل بكلمة واحدة من الواحد القهار
{{ فَلَمَّا عَتَوْا عَنْ مَا نُهُوا عَنْهُ قُلْنَا لَهُمْ كُونُوا قِرَدَةً خَاسِئِينَ }}
 فما أصبح هؤلاء المعتدين من ليلتهم إلا ولهم أذناب يَتَعاوونَ كما تتعاوى القردة
 فنعوذ بالله من سخط الله وعذابه 
 لو فكرت فيها بعقلية الفهلوه بتاعة اليومين دول ممكن تلاقى إنهم معملوش حاجه
 بس دا ربنا غضب عليهم و لعنهم وأخرجهم من رحمته وجعلهم قردة خاسئين
 كل دا عشان لفوا وداروا حواليين أمر ربنا سبحانه وتعالى
 وهذة القصة تحْمِلُ الكثير من العِبَرَ وَالعِظَاتِ والتَّخْويفَ مِنْ عِقَابِ ربِّ السَّماواتِ فى عدم الإمتثال لأوامره والعصيان والمعانده
 أد ايه فى ناس النهارده عايشه بعقلية المحلل بتلف وتدور وتحور وتغير فى الحقائق والمسميات والمفاهيم بما يناسبهم
 الخمرة مشروبات روحيه
 الرشوه إكراميه
 الربا فايده
 الإنفلات حرية
 ميصليش ويقولك الدين
 يصلى الجمعه بس ويقولك مش أحسن مامصليش
 يجمع الصلاة كلها قبل ما ينام
 يروح صلاة الجمعه علي الصلاه وميحضرش الخطبة
 الحجاب بقي سبانش ولبس ضيق
واللي …..واللي ….. واللى …..
 المصيبه ان يكون ربنا غضبان علينا أو حتى خارجين من رحمته وإحنا مش حاسين وفاكرين إننا من أولياء الله الصالحين
 فقد روى الطبرى في تفسيره بسنده إلى عكرمة قال:
(( دخلت على ابن عباس رضي الله عنهما والمصحف في حجره وهو يبكى
فقلت: ما يُبكيك يا ابن عباس؟ فقال: هؤلاء الورقات وإذا هو في سورة الأعراف عند قصة أصحاب السبت فقال ابن عباس: لا أسمع الفرقة الثالثة ذُكِرَتْ نخاف أن نكون مثلهم نرى فلا نُنكر” 
 احنا بجد محتاجين نعامل ربنا كرب عظيم يأمر فيطاع
 تدبروا معى 
قال تعالى :
{{مَّا لَكُمْ لَا تَرْجُونَ لِلَّهِ وَقَارًا }}
وقال تعالى :
{{ وَمَا قَدَرُوا اللَّهَ حَقَّ قَدْرِهِ }}
وقال تعالى :
ٌ {{ وَلَوْ أَنَّهُمْ فَعَلُوا مَا يُوعَظُونَ بِهِ لَكَانَ خَيْرًا لَّهُمْ وَأَشَدَّ تَثْبِيتًا }}

 إستقيموا ينصلح الحال ويرفع الله عنا البلاء