حبوا الخير لبعض محدش بياخد رزق حد
اللي طلعها في اسانسير داس علي زرار و ظبط شكله في مرايا
و اللي طلعها خطوه خطوه علي سلم شافها بتفاصيلها
أبواب و حيطان و أرقام و ناس طالعه و ناس نازله
حس بأنفاسه و مجهوده
وقف ريح في النص و بعدين كمل تانى
مسح عرقه و بعدين ظبط هدومه و سلم علي اللي طالع و اللي نازل..
المهم لما الاتنين بيوصلوا ده شاف كتير ، و ده شاف نفسه
انا ما بحكمش مين أحسن من مين ” بس الرحلة غير ؟ ”
لو فارق معاك تتعلم خد السلم علشان ما تجيش في النص و تعطل و علي فكره ساعات الاسانسير لما بيعطل اللي علي السلم بيوصل اسرع و التاني متعطل..
و هي دي الحياه ، ما تركزش مين طالع ازاي ، خليك في سلمتك و استمتع وانت طالع وأخرة السعي رزق ، ماتبصش لرزق غيرك عشان رزقك هيعدي من جنبك ومش هاتشوفه..
” حبوا الخير لبعض محدش بياخد رزق حد “
