ريهام سعيد نشرت فيديو عبر حسابها على فايسبوك تعلن من خلاله اعتزال الإعلام والفن وقالت الإعلامية ريهام سعيد بعد قرار إيقاف برنامجها على خلفية انتقادها أصحاب الوزن الزائد: “بما إن هناك حملة ممنهجة من خلال المواقع اللي بتنزل كل ٣ دقائق حاجة من الصبح تقوّم بيها الناس عليّ، فمجرد أن يقرأ أحد أنني أهنت الناس البدنية ومرضى السمنة، وبما إننا شعب بيكسل يقرأ ويشوف، فبيصدق على طول ويزيط مع الزيطة ومش مهم بقى الست دي حالها وعيالها”.
واستطردت الإعلامية ريهام سعيد : “جاء الوقت اللي أرتاح فيه وأقعد مع أولادي وأخلي بالي منهم وأقعد مع جوزي ونقرب من ربنا.. ١٦ سنة بخدم الناس بس ونايمة بفكر مين عايز فلوس.. مين عايز كيس دم، ومعملتش فلوس وكانت نيتي خالصة لله سبحانه وتعالى، عمري ما تربحت مرة ولا أخدت فلوس مرة.. عشت بضمير حي وراس مرفوعة”.
وأضافت: “كفاية بهدلة بقا.. الواحد لازم يعيش بكرامة، وإحساس الظلم ده وحش قوي، كفاية بقا تعبت، خلاص بقا”.
كانت قد قالت ريهام في حلقة برنامجها “صبايا”، على قناة الحياة: “الناس التخينة “ذات الوزن الزائد” ميتة، عبء على أهلها وعلى الدولة، ويشوهون المنظر العام”.
ريهام في وقت سابق كشفت أن ميكروباً اضطرها إلى إجراء عملية جراحية خاصة لإزالة عضم الأنف والغضاريف بالكامل، وبناء أنف جديدة من خلال غضاريف أذنيها، مشيرة إلى أنّ حياتها ما زالت مهددة بالخطر ولم تستقر بعد، لعدم تأكدهم من شفائها من ذلك الميكروب.
