ممكن نتناقش بهدوء؟

انت ليه بتقول رأيك في كوبري الدوران على الطريق الدائري؟ هل حد طلب منك تقول رأيك؟
طيب هل مجال الطرق ده خاضع للآراء أصلا ولا علم له معايير؟

اللي عايز يعمل يو تيرن في طريق سريع مش مجهز يتعمل فيه يوتيرن
واللي مش عاجبه الكوبري علشان اللفة طويلة
واللي عايز يحفر نفق بدل الكوبري وحاجة في منتهى التحنيك سعادتك..

انت لو قاصد تخلي الناس تتجاهل كلامك وماتتعاملش معاه بجدية مش هتعمل في نفسك كده..

لو انت فعلا عايز تعرف ايه اللي اتعمل في الدائري اسأل حد بيستعمل الطريق من سنين عن الفرق، أو انزل بنفسك شوف الطريق بقى عامل ازاي..

التريقة على أي حاجة وتسفيه أي جهد، تصرفات تافهة أي حد تافه ممكن يعملها، إنما الكلام الموزون الموضوعي هو اللي بيقول إن الشخص تقيل.. فانت حر بقى!