الأميرة ديانا تجمعها قصة رائعة مع إبنها الأمير هاري .. من 22 سنة الأميرة ديانا اتقابلت مع ساندرا بنت من أنجولا فقدت ساقها في إنفجار لغم أرضى.

لما ديانا شافتها بكت وقررت تساعدها وكانت حاضرة بنفسها عمليه تركيب طرف صناعي مناسب ليها وكانت معاها لحظة بلحظة والبنت بدأت تحس بارتياح نفسي بعد الدعم المعنوي والطبي والمادي.

طبعا وبعدها بدأت ديانا تشارك مع مؤسسه خيريه في نزع الألغام من أنجولا نهائياز

بعد مرور 22 سنة علي القصة دي وإمبارح تحديدا إبنها الأمير هاري راح زار نفس الطفلة إللى بقت دلوقتي زوجة وام وعندها 38 سنة .. جلس قدامها بمزيد من الإحترام والإهتمام والتواضع زي مانتوا شايفين كده و قالتله أنها خلفت بنت وسميتها ديانا برضه

سبحان الله اللي خلف فعلا مامتش .. ربنا يجعل الخير فينا وف ذرياتنا ليوم الدين ويرزقنا ويرزقهم لين القلب.