أعداد:محمد عبد المنعم
سداد الديون المعنويه
ناس كتير عاشت عمرها وهيه فاكره إن الدين هو دين مادى فقط
كنت واقف في جنازة وسمعت الشيخ بيقول جملة غريبة أوى
” يا جماعة لو المرحومة عليها ( دين معنوى ) لحد فيكم
ياريت تسامحوها فيه !!!
يعنى إيه دين معنوي؟
يعني ما تظلمش حد وتيجى عليه عشان ده دين معنوى
يعنى متنيمش حد زعلان منك لأنك ممكن في لحظة تموت ويبقى ده دين معنوى فى رقبتك
يعنى متجبش سيرة حد فى غيابة
يعنى لو عرفت سر لحد متفضحوش مادام ربنا ستره
يعنى ما تشتمش وما تجرحش وماتغلطش في حد بكلامك وما تهينش علشان دى ديون معنوية
يعنى ما تكسرش بخاطر حد عشان ده دين معنوى
يعنى بلاش تسيىء الظن بحد وتظلمه وتكلمه بأسلوب تهكن أو إستهزاء بتصرفاته علشان ده دين معنوى
الدين المعنوى ده أصعب وأخطر 100 مرة من الدين المادى
الدين المادى سهل إن الورثة يسددوه عن المتوفى
لكن الدين المعنوى مين هيسدده غيرك ؟؟
وإيه أصلا ثمن السداد ؟؟
يا جماعه دين الخاطر والقلوب أخطر وأكبر عند رب القلوب والخواطر
خلي بالك منه لأنك الوحيد المسئول عنه
ومتعلّق برقبتك ومحدش هيسدده عنك
ويابخت من سدد دينه أول بأول فى حياتة
راعو مشاعر الناس ومتكسروش بخاطرهم
تقبلوا بصدر رحب إختلافتهم عنكم
ربنا خلقنا مختلفين عشان نكمل بعض مش عشان نجرح بعض ونقف لبعض ع الوحده
اللهم إجعلنا ممن يسدون ديونهم المادية والمعنويه فى الدنيا قبل الآخرة
سدد دينك المعنوى بكلمه
