أعداد : محمد عبد المنعم

 سورة الممتحنة 
 كلمة الممتحنة تعنى المختبرة
 وهى المرأة التى نزل بها الإختبار أو الامتحان
 فقد نزلت هذه السورة فى المرأة التى تركت بيتها وزوجها وأسرتها من أجل الهجرة الى المدينة المنورة
 وقد نزلت هذه السورة الكريمة في أم كلثوم بنت عقبة بن أبى معيط
 إللى لقب بأشقى القوم
 لأنه كان بياخد القاذورات ويحطها على ظهر النبى صلى الله عليه وسلم وهو ساجد
 وكمان بصق فى وجهه الشريف
 وبالرغم من كل ضلال عقبة بن أبى معيط
 ربنا يجعل من صلبه من يوحد الله
 أم كلثوم دى كانت مثقفة جدا
 وكانت طالبة علم وكانت بتقرأ كتير
 يدخل الإيمان فى قلب أم كلثوم
 ولكنها تكتمه عن أبوها
 ويجئ موعد الهجرة ويهاجر النبي عليه الصلاة والسلام
 وأم كلثوم عايزة تهاجر مع النبى
 ولكنها تخاف من بطش أبوها وأخواتها
 وتصبر أم كلثوم
 وتأتى غزوة بدر
 ويُقضي على أبوها عقبة بن أبى معيط ويموت على الكفر 
 وتصل أم كلثوم 16 عام
 ويأتى سن الزواج ويتقدم لخطبتها أشراف شبان مكة
 وترفض أم كلثوم وتصبر
 وحلمها أن تهاجر للنبى فى المدينة
 بس يحصل حدث يغير حياة أم كلثوم
 يأتى صلح الحديبية
 ويكون من شروط الصلح أن لو حد راح للنبى المدينة عشان يسلم
فالنبى عليه الصلاة والسلام لازم يرد الشخص ده ويرجعه تانى مكة
 وتسمع أم كلثوم بشروط صلح الحديبيه
 يعنى مينفعش خلاص تهاجر للنبى المدينه
 ولو هاجرت النبى لازم يرجعها مكة تانى عشان شروط الصلح
 ويشتد الخناق على أم كلثوم وتقرر إنها تهاجر حتى لو النبى رجعها مكة
 إنتوا متخيلين الموقف
 بنت عندها 16 سنه تهاجر لوحدها المدينة المنورة فى الليل
 والطرقات إللى بين مكه والمدينه الوعرة وكمان المسافة الطويلة
 ومش بس كدة ده ممكن النبى يرجعها مكة تانى
 وساعتها هيتعرف إنها مسلمة وتتإذى من إخواتها
 إيه الثبات ده يا جماعه 
 وتهاجر أم كلثوم وتوصل المدينة المنورة وتروح للنبي
 والنبى محتار يعمل إيه معاها
 والصحابة يقولوا : أزاى نرجعها مكة يا رسول الله
 والنبى عليه الصلاة والسلام ساكت عشان لسه منزلش الوحى
{{ وَمَا يَنطِقُ عَنِ الْهَوَىٰ إِنْ هُوَ إِلَّا وَحْيٌ يُوحَىٰ }}
 وينزل جبريل بالوحى من فوق سبع سماوات فى أمر أم كلثوم
 وتنزل آيات سورة الممتحنة
بسم الله الرحمن الرحيم
 {{ يَا أَيُّهَا الَّذِينَ آمَنُوا إِذَا جَاءَكُمُ الْمُؤْمِنَاتُ مُهَاجِرَاتٍ فَامْتَحِنُوهُنَّ ۖ اللَّهُ أَعْلَمُ بِإِيمَانِهِنَّ ۖ فَإِنْ عَلِمْتُمُوهُنَّ مُؤْمِنَاتٍ فَلَا تَرْجِعُوهُنَّ إِلَى الْكُفَّارِ ۖ لَا هُنَّ حِلٌّ لَّهُمْ وَلَا هُمْ يَحِلُّونَ لَهُنَّ ۖ }}
 وينزل أمر الله من فوق سبع سماوات
 بأن أم كلثوم مترجعش لمكة
 ويقبلها الله سبحان وتعالى
 ومش بس كده ويجازيها على صبرها إنها مرضيتش تتجوز أشراف مكة وتبيع دينها عشان عريس حتى لو غنى
 ربنا كافئها وتتجوز من سيدنا عبدالرحمن بن عوف
 أحد العشرة المبشرين بالجنة
وأغنى أغنياء المدينة المنورة
تأكد سيعوضك الله ويجبر بخاطرك
⁦⁩ فأبشر بكل خير ⁦⁦♥️